ધ્રોલમાં ફોર્ચ્યુનર કારમાંથી લાખો રૂપિયાનો શરાબનો જથ્થો ઝડપાયો, એક આરોપી પોલીસ કબજામાં
પોલીસ તપાસ દરમિયાન કારમાંથી પોણા ત્રણ લાખ રૂપિયાથી વધુ કિંમતનો શરાબનો જથ્થો મળી આવ્યો હતો. સાથે સાથે ફોર્ચ્યુનર કાર સહિત કુલ રૂ. 18 લાખથી વધુનો મુદ્દામાલ પોલીસ દ્વારા કબ્જે કરવામાં આવ્યો છે.
પોલીસને મળેલી બાતમીના આધારે ધ્રોલ વિસ્તારમાં વાહન ચેકિંગ દરમિયાન આ કાર્યવાહી કરવામાં આવી હતી. ચેકિંગ દરમિયાન શંકાસ્પદ ફોર્ચ્યુનર કારને રોકી તપાસ કરતાં તેમાં છુપાવીને લઈ જવાતો શરાબનો જથ્થો મળી આવ્યો હતો.
આ કેસમાં પોલીસે એક આરોપીને ઝડપી લઇ તેની સામે કાયદેસરની કાર્યવાહી હાથ ધરી છે, જ્યારે અન્ય સંડોવાયેલા લોકો અંગે પણ તપાસ શરૂ કરવામાં આવી છે. ગુજરાતમાં શરાબબંધી હોવાને કારણે આવા ગેરકાયદે શરાબના વ્યવહાર સામે પોલીસ સતત કાર્યવાહી કરી રહી છે.
0 ટિપ્પણીઓ